آشیقلار درنگی نین قورولوشونون اوچونجو ایل دؤنومو

غربی آذربایجان حوزه هنری اداره سینین آشیقلار درنگی نین قورولوشونون اوچونجو ایل دؤنومو اورمودا گئرچکلشدی. بو درنگین اوتوروملاری و جلسه لری 1389-جی ایلدندیر, هر هفته دوزگونلری آخشام اوستلری تشکیل تاپیر. هر هفته آذربایجانین چئشیدلی بؤلگه لریندن آشیقلار بورایا گلیرلر و دئمک اولار هر هفته 4-5 آشیق بو درنکده چیخیش ائدیر. خزل آیی نین 24 بو درنگین قورولوشونون ایل دؤنومو بیر تؤرن و مراسم ایله یاد ائدیلدی. بو مراسمین گؤرونتولرینه باخا بیلرسینیز.

مراسم, ایران اسلام جمهوریتینین ملی هیمنینین سسلنمه سي ایله باشلادی.

بو مراسمین آپاریجی سی احمد اسدی ایدی. احمد اسدی دوللو مصطفانین شعری ایله مراسمی باشلادی. سونرادا گلنلره خوش گلدین دئییب. آشیقلار درنگی حاقدا قیسا بیلگی وئردی. سونرادا اوستاد آشیق اسمعلی لطفی نی صحنه یه دعوت ائتدی.

اوستاد آشیق اسمعلی لطفی

کئچن بیر ایل عرضینده غربی آذربایجاندا, 4 نفر آشیق وفات ائدیبلر. ائله بنا گؤره ده, وفات ائتمیش آشیقلارین ویدئو گؤرونتولری سالوندا یایینلاندی و سالوندا اولانلاردا اونلار رحمت اوخودولار. بو آشیقلارین آدلاری : آشیق علی علیزاده(اورمو)، آشیق گولاب حسین خانی(قوشاچای)، آشیق عباس بهلول زاده(خوی+اورمو)، آشیق بهروز فرجی(قوشاچای)

آشیق علی کریمی قره آغاجی صحنه یه دعوت اولوندو.

اورمو شهرینین بؤیوک اوستادی, آشیق فرهاددان بیر سس حاضرلانمیشدی. بو سس سالوندا یایینلاندی.

قوشاچای شهرینین اوستاد آشیغی و هابئله بو شهرین آشیقلارینین نماینده سی اولان, آشیق هدایت موسی اوغلو بیر هاوا اوخودو.

حوزه هنری اداره سینین موسیقی مرکزی نین سوروملوسو, داریوش علیزاده تریبون دالینا دعوت اولوندو. علیزاده حوزه هنری طرفیندن گؤرولن ایشلر حاقدا بیلگی وئردی و گله جک ایللرده ده نه اولاجاغی حاقدا قیسا دانیشدی.

اورمو شهرینین کئچمیش و اوستاد آشیقلاریندان اولان, آشیق عزیز مرادخانین سسی سالوندا یایینلاندی.آشیق عزیز 1351-جی ایلده وفات ائدیبدیر.

85 یاشلی آشیق یوسف اوحانئس صحنه یه دعوت اولوندو.

آشیق غلامرضا اژدری خوی آشیقلارینین نماینده سی عنوانیندا چیخیش ائتدی.

اورمو شهرینین پارلایان اولدوزو و آشیقلیق عالمی نین اونودولماز سیماسی, آشیق درویش  حاقدا بیر مستند کلیپ حاضرلانمیشدی. بو کلیپ گلنلره سونولدو.

سولدوز شهریندن اولان آشیق رضا پوینده اؤز هاواسینی گلنلره تقدیم ائتدی.

اورمو آشیق هاوالاریندان تشکیل تاپان و اورمودان گلن سسلر آدینی داشییان اثرین آچیلیشی و تقدیماتی کئچیریلدی. اورمودان گلن سسلر, اورمو آشیق مکتبی نین دئمک اولار بوتون هاوالارینا شامل اولور و بو اثرده 19 اوستاد آشیغین اشتراکی اولوبدور. آچیلیش قوجامان و اوستاد آشیقلار, آشیق یوسف و آشیق اسمعلی ایله برابر داریوش علیزاده حوزه هنری اداره سینین موسیقی بؤلومونون سوروملوسونون الی ایله گئرچکلشدی.

 

مراسمین سونوندا, 5 نفر غربی آذربایجان آشیقلیغیندا چالیشانلاردان تقدیر اولوندو.

شاعر ، یازیچی و قزئته چی  اولان مصطفی قلیزاده, ایکی ایل مدتینده غربی آذربایجان آشیقلار درنگی نین هر هقته قورولان اوتوروملاریندا, آپاریجی عنوانیندا آردیجیل اولاراق اشتراک ائتمگینه و نشریاتلار ایله مطبوعاتدا بو صنعتین تبلیغاتی نین آپاریلماسینا گؤره غربی آذربایجانین حوزه هنری اداره سی طرفیندن تقدیر اولوندو.

آشیق علی قره آغاجی, ایکی ایل مدتینده غربی آذربایجان آشیقلار درنگی نین هر هقته قورولان اوتوروملاریندا, آپاریجی عنوانیندا آردیجیل اولاراق, اشتراک ائتمگینه و آشیقلارین بو درنگه گتیریلمه گینده رولونا گؤره غربی آذربایجانین حوزه هنری اداره سی طرفیندن تقدیر اولوندو.

قوشاچایلی آشیق هدایت موسی اوغلودان, قوشاچای آشیقلارینین نماینده سی عنوانیندا و بو درنکده چالیشیقلارینا و ها بئله درنگین آیری شهرلرده تانیتدیرماسینا گؤره غربی آذربایجانین حوزه هنری اداره سی طرفیندن تقدیر اولوندو.

سولدوزلو آشیق رضا پوینده, سولدوز آشیقلیغینین نماینده سی عنوانیندا و آشیقلار درنگینده چالیشیقلارینا گؤره غربی آذربایجانین حوزه هنری اداره سی طرفیندن تقدیر اولوندو.

اورمودان احمد اسدی, آشیق ادبیاتی و موسیقی سینده اولان آراشدیرمالارینا و آشیق ادبیاتینین نشریاتلاردا , مطبوعاتدا و اینترنت دونیاسیندا جانلاندیرماسینا و درنگین فعالیتلرینین یاییلماسیندا رولو اولدوغونا گؤره غربی آذربایجانین حوزه هنری اداره سی طرفیندن تقدیر اولوندو.

 

35 نفر غربی آذربایجان آشیغی بو مراسمه قاتیلمیشدیلار. بو آشیقلار مراسم  بیتدیکدن سونرا, خاطره شکلی چکدیردیلر.

سوندادا بو مراسمه قاتیلانلارین هامیسینا آشیقلار درنگی طرفیندن اورمودان گلن سسلر اثری هدیه اولاراق, تقدیم اولوندو.

باش ساغليغي

تأسفله بيلديرمه لي ييك، بير داها آذربايجانيميزين آشيقلاريندان بيريسيني ايتيرديك. درين اوزونتولرله، يوردوموزون متانتلی و مهربان اوره كلي آشيغي، قوشاچايلي آشيق بهروز بوگون 1391/6/22-ده خسته ليك ندني ايله حياتا وداع ائديب.آللاهدان بو آشيغيميزا رحمت، قالانلارينا ايسه دؤزوم ديله ييريك. مكاني جنت اولسون.

 

رحمتليك آشيق بهروزون تانيتيمي

بهروز فرجی

۱۳۴۰-جی گونش ایلی قوشاچایین ملیک ‏آباد کندینده دونیایا گلن آشیق بهروز فرجی کیچیک یاشلاریندان قوشاچایا کؤچور. ۱۳۶۰-دان آشیق‏لیق صنعتینه علاقه بسله ‏یرک ۶۴-جو ایلدن آشیق باهارعلی‏نین یانیندا رسمی حالدا ساز اؤیره‏ نمگه باشلاییر و بیر پئشه‏ کار آشیق کیمی فعالیّت ائدیر.

آشیق بهروز ۱۴ آشیق صحبتی بیلیردي و شعر یازماق ‏ایله ‏ده مشغول اولوردو. او آشیق‏لیقدان علاوه سازبندلیک‏ده ائدیردي. رحمتليك، آشیق‏لیغی یئرلی بیر صنعت بیله رك ،مسؤوللاردان انتظاری وار ايدي و دئيه ردي: “مسئوللار بو صنعته گرك آرتیق اهمیّت وئرسینلر چون بونا اهمیّت وئریلمه‏ سه یابانچی فرهنگ‏لر اونون یئرین آلیب و مدنیّتیمیزه چوخ ضربه ‏لر ووراجاقلار”.   آللاه رحمت ائيله سين.

گل
آیریلیق آلیر جانیمی

عاشق اودا یاناندی گل

الیمدن گئدیر توانیم

زامان آخر زاماندی گل

 

گل گؤر نه حالا قالمیشام

آلیشیبان کول اولموشام

عشقینی قلبه سالمیشام

آرتیق حالیم یاماندی گل

 

یاد ائیله‏مز بیر کس منی

یورور یورغون نفس منی

یورما داحی عبث منی

گؤزوم یاشی رواندی گل

 

چرخی دؤنسون روزگارین

“بهروز”ا چوخ گؤردو یارین

هانی بس دوغرو ایلقارین؟

الف قدّیم کماندی گل.

باش ساغليغي

 

تأسفله بيلديرمه لي ييك، ائليميزين آغ ساققال و دگرلي آشيغي، آشيق عباس بهلول زاده(تاج خاتينلي عباس) دونياسيني دگيشه رك، ابدي دونيايا كؤچوب.

آشيق عباس 1320-جي ايلده چالديرانين تاج خاتين كندينده دونيايا گؤز آچميشدي. او مرحوم،  خويلو اوستاد آشيق حبيبين شاگردي اولموشدور. اللي ايله ياخين آشيقليق ائدن آشيق عباس، عؤمرونون سون ايللريني اورمودا كئچيرميشدي. آشيق عباس ايله دانيشيق و مصاحبه قراريميز وار ايدي، آما نه يازيق اجل مهلت وئرمه دي.

آللاهدان اونا رحمت ديله ييريك، مزاري نورلا دولسون.

باش ساغلیغی و چاغری

باش ساغلیغی و چاغری

اولو یارادانین آدی ایله

((من اصبح و لا یهتم بامور المسلمین فلیس بمسلم)) پیغمبر(ص)

آخشامی مسلمانلارین ایشلرینه چالیشمایاراق صبح ائدن، مسلمان دگیل.

 

قاراداغ ماحالی ورزیغان بخشی

شیرین دیللر ایله خاطرلا منی

هر زامان قلبیمده دولانیر نقشی

آچان گوللر ایله خاطرلا منی

 

آشیق ائلینکی دیر، ائل آشیغیندیر. ائلینده غمی آشیقلاریندیر.

یوردوموزون گوللو چیچکلی بؤلگه سی و قهرمانلار  دیاری اولان، قاراداغین زلزله خبری و اورادا اوز وئرن فاجعه لر بیزی ده سارسیتدی.اوزونتولرله بو اولایدا نئچه یوز نفر حیاتین ایتیریب. نئچه مین نفرده یارالی اولاراق، یوردوموزون مختلف شهرلرینده اولان خسته خانالارا یئرلشدیریلیبلر.

بوتون وطنداشلاریمیزی، اؤزللیکله هنر و اینجه صنعت دونیاسیندا چالیشانلاری بو آغیر حادثه نین آجیلارینی قالدیرماغا چاغیریریق.انشاء الله وطنداشلاریمیزین یاردیملاری ایله بو حادثه نین آجیلاری آرادان تئزلیکله قالدیریلار.

مادی یاردیم چاغری لاری ایله بیرلیکده ائلیمیزی، یارالی اولاراق خسته خانالاردا یاتان وطنداشلاریمیزی یاد ائتمگه چاغیریریق. مختلف شهرلرده غریب اولماسینلار دئیه و معنوی دستک اوچون اونلارلا گؤروشوب، دردلرینه اورتاق اولماغا چاغیریریق.

بورادان زلزله دن ائتگی لنن یوردداشلاریمیزا بیلدیرمه لی ییک، 110 نفر غربی آذربایجان آشیقلار درنگی­ نین اویه لری سیزین یانینیزدادیر و سیزین اوچون اللریندن گلنلری اسیرگمه­یه­جکلر.

آللاهدان اؤلنلره رحمت، قالانلارا دؤزوم و یارالیلارا شفا دیله ییریک. تانری یاردیمچیمیز اولسون.

غربی آذربایجانین آشیقلار درنگی

23/5/1391

 

ـــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــــــــ

اهره هئریزه ورزیغانا گل

طبیعت یئنه ده شیلتاقلیق ائتدی

اهره هئریزه ورزیغانا گل

زلزله باتیردی ائلی اوبانی

طبیعتین الی باتدی قانا گل

اهره هئریزه ورزیغانا گل

***

سهندله ساوالان گئیسین قارانی

چونکو یاسا باتیب داغی آرانی

آللاه کیم ساریسین بئله یارانی؟

طبیعتین الی باتدی قانا گل

اهره هئریزه ورزیغانا گل

***

هارایا امدادا چاتانیم گلسین

ییخیلان قولوندان توتانیم گلسین

وارینا گومانی یئتنیم گلسین

طبیعتین الی باتدی قانا گل

اهره هئریزه ورزیغانا گل

***

اوغلو الدن گئدن آنا آغلاییر

آناسین ایتیرمیش بالا آغلاییر

آشیق قوربان چکیر نالا آغلاییر

طبیعتین الی باتدی قانا گل

اهره هئریزه ورزیغانا گل

آشیق قوربان پورولی علیار- اورمو

22/5/1391

 

آشیق درویشین ایل دؤنومو و بؤیوکلمه سی

 

مراسم بزرگداشت نوزدهمین سالگرد درگذشت آشیق درویش وهابزاده

پوسترها= ارسالی توسط دوستداران درویش

 

طی مراسمی دوشنبه 9 مرداد 1391 در سالن صفی الدین اورموی حوزه هنری سازمان تبلیغات اسلامی(پنجراه جنب استانداری) مراسم بزرگداشت نوزدهمین سالگرد درگذشت آشیق درویش وهابزاده خواهد شد. این مراسم به مدت دو ساعت و از ساعت 17-19 ادامه خواهد داشت. در این بزرگداشت 4 تن از شاگردان آن مرحوم به اجرای موسیقی آشیقی خواهند پرداخت و  شاعران نامداری چون محمود شامی، بهرام اسدی ، ایرج بهزادنیا و تنی چند از شعرا در فراق این آشیق بزرگوار به قرائت اشعار خود خواهند پرداخت. ارائه مقاله توسط دوتن از محققین و نویسندگان جوان اورموی بخش دیگری از این مراسم خواهد بود. احمد اسدی و حسین واحدی هر کدام طی مقالاتی بخشی از زندگی هنری و جایگاه اجتماعی این آشیق و تأثیرگذاری وی بر مکتب آشیقی اورمیه  را برای حضار قرائت خواهند نمود. نقل خاطره توسط دوستان نزدیک ،قرائت شعر مرحوم استاد آشیق عزیز شهنازی در فراق آشیق درویش، پخش کلیپهای تصویری از آشیق درویش، حضور خانواده آشیق درویش، نواختن ساز وی بعد از 19 سال توسط شاگردانش و پخش بروشورهایی با موضوع آشیق درویش از دیگر بخشهای این مراسم خواهد بود.

همچنین لازم به یادآوری است که قبل از این مراسم و در ساعت 10 صبح از جلوی حوزه هنری سازمان تبلیغات اسلامی(پنجراه-جنب استانداری) مینی بوسهای در نظر گرفته شده به سوی مزار این آشیق بزرگوار در روستای کردلر حرکت خواهند نمود و متعاقب مراسم بزرگداشت آشیق درویش مزار این استاد گرامی توسط کانون آشیقهای آذربایجان غربی و حوزه هنری استان آذربایجان غربی بازسازی و مرمت خواهد شد.

این مراسم توسط حوزه هنری آذربایجان غربی و با تلاش و پیگیریهای احمد اسدی نویسنده و محقق موسیقی آشیقی و همچنین با مساعدت و یاری مسئول واحد موسیقی حوزه هنری استان آذربایجان غربی آقای داریوش علیزاده برگزار میگردد و از همه دوستداران موسیقی آشیقی و ارادتمندان و علاقمندان آشیق درویش برای حضور در این مراسم دعوت میگردد. روحش شاد.

 

باش ساغليغي

درین اوزونتولرله،بیلدیرمه­لی­ییک ائلیمیزین دگرلی آشیغی، قوشاچایلی آشیق گولاب حسین خانی 2/5/1391 تاریخینده بو دونیادان گؤز یوماراق، ابدی دونیایا کؤچوب.

43 ایل قوشاچای و هئشتری ماحالیندا آشیقلیق ائدن آشیق گولاب،3/4/1322 تاریخینده قوشاچایدا دوغولموشدور.

بو اوستاد آشیغا آللاهدان رحمت، قالانلارینا ایسه صبر دیله ییریک.

رحمتلیک آشیق علی علیزاده نین خاطرلا منی آدلی کتابی یایینلاندی.

رحمتليك آشيق علي عليزاده­نين شعرلري او مرحومون وفاتينين بيرينجي ايل دؤنومو عرفه­سينده بير مجموعه­ده يايينلاندي.  302 صحيفه ­دن تشكيل تاپان بو كتاب، خاطرلا مني آديني داشي­يير و او مرحوم آشيغين 300 قاطارا ياخين شعرينه شامل اولور. بو مجموعه اورمولو شاعر ، آراشديريجي،يازيچي و رحمتليك آشيق علي عليزاده­نين ياخين يولداشي بهرام اسدي­نين زحمتلري ايله توپلانيب و چاپا بوراخيليبدير.

اورمونون ياز نشرياتي­نين نشرلريندن اولان بو كتاب، ساتيشي 8000 تومن دير و يازنشرياتي ايله اورمونون حوزه هنري اداره­سينين امكداشليغي ايله يايينلانيب.

قئيد ائتمه­لي­ييك، آشيق علي عليزاده 1330-جو ايلده قاراداغين ورزقان بخشينين قيه قيشلاق كندينده آنادان اولوب. سونرالار اورمويا كؤچوب و بو شهرده آشيقليقلا مشغول اولموشدور. آشيق علي عليزاده 10/5/1390 تاريخينده اوره­ك دايانماسي(ايست قلبي) نتيجه­سينده دونياسيني دگيشدي. او مرحوم ايران موسيقي فئستيواللارينين چوخونا قاتيليب و چوخلو مقاملاردا اله گتيرميشدير. اورمو راديو و تلويزيونوندا موسيقي بؤلومونون فعال شخصلريندن ايدي. آللاه رحمت ائيله­سين. آذربايجان ادبياتي و فولكلورو سئوداليلاري كتابي الده ائتمك اوچون ياز نشرياتي ايله گنج آشيقلار بلوقونا گئده بيلرلر. ها بئله آشاغيدا اولان ايميل و موبايل ساييسي ايله­ده ايلگي قورا بيلرلر.

ياز نشرياتي: http://yaznashr.blogfa.com

گنج آشيقلار: http://gencashiqlar.blogfa.com

ايميل: [e-mail]

موبايل: [phone]

ـــــــــــــــــــــــــــــــــــــــــــــــــــــــــــــــــــــــــــ

بو کتابین بیر بؤلومو دوستلار حسرتی آدینی داشی­ییر و او مرحوم اوستادین دوستلاری اونون اؤلوم خبرینی ائشیتدیکلرینده بو شعرلری یازیبلار.

بهرام اسدی

كؤچدو بير صنعتكار، گئتدي بير آشيق

نيسگيلي سازينين تئلينده قالدي

 هر ماهنيسي اولان ائله ياراشيق

ان گؤزل ماهنيسي ديلينده قالدي

 

 ائللرين ايچينده ماهنيسي بيتدي

آخرت دئيه‏رك سون سفر ائتدي

 اللرين اوستونده مزارا گئتدي

ائلي گؤز ياشينين سئلينده قالدي

 

 

 آي آشيق، تئز ايدي گئديش هوسي

قولاقلارا دولدو سازين ناله‏سي

 ائشيتمز اولدوق او غيرتلي سسي

سسينين حسرتي ائلينده قالدي.

 

فريده سليماني((آیتکین)):

 شاعرلر كؤچنده فاني دونيادان

فرقتينده قالان ائللر آغلايار

 هنر باغچاسينين گولو سولاندا

باغبان كدرلنر، گوللر آغلايار

 

 بولبوللر گولوندن آيري اوچاندا

نؤوراغي پوزولوب گولدن قاچاندا

 صنعتكار هجراندان صحبت آچاندا

بولودلار قارالار سئللر آغلايار

 

 سهو ائدير اجلدن شفقت اومان

آيدين حقيقته كيمدي گؤز يومان

 آشيغيندان آيري دوشسه بير زامان

ساز سوسار »آيتكين« تئللر آغلايار.

 

احمد اسدي:

 ائل آشيغي نه تئز گئتدين

سنسيز گؤزوم لئيسان آغلار

 كؤچركن بيزي ترك ائتدين

كؤنلوم ائيلر فغان آغلار

 

 ائلينله اوتوروب دوردون

بو ائلده مجلسلر قوردون

 فراقيندا اودلار يوردون

دردلي آذربايجان آغلار

 

 باش اگيرم بو انسانا

فخر ائديب آذربايجانا

 فاني جسميم قالسين يانا

باخ بو روح-روان آغلار

 

 آشيق بير ده ساز آلايدين

آليب قوينونا چالايدين

 احمد دئيير كاش قالايدين

فراقيندا گؤز قان آغلار.

 

 

آشیق سيد اسماعيل سیدساجدي:

 آلديم قيشلاقلي‏نين اؤلوم خبرين

اوره‏گيم كؤوره‏لدي، گؤزلريم دولدو

 سن بير بولبول‏ايدين گولشن باغيندا

نه تئز خزان ووردو گوللرين سولدو

 

 شادليقدا اوخوردون هر واخت ائللره

ساراني آپاران آخان سئللره

 تميز اوره‏كلره، شيرين ديللره

آدين داستان اولدو ديللرده قالدي

 

 من سيد آشيغام چكرم زحمت

هر واخت بؤيوكلره ائيله‏يك حرمت

 اوستادين روحونا سيز دئيين رحمت

هامي گئده‏جكدي، بو بئله يولدو.

 

 

  آشيق علي عابديني(علي يكانلي):

 آللاه اؤلنلره رحمت ائيله‏سين

علي ده رحمته قاريشدي گئتدي

 اوستاد آشيق كيمين گيردي ميدانا

بير آز سؤزلريندن دانيشدي گئتدي

 

 دوشدو سينه‏سينه دويونلو داغلار

وفالي سئوگيسي هر زامان آغلار

 سارالدي باغچالار، بولبوللر، باغلار

بولبولون گولشني ساويشدي گئتدي

 

 بير كيمسه اولمادي قانا درديني

بير ساعات اليندن آلا درديني

 سالدي اوره‏گينه بالا درديني

يوخسوللوق اودوندا آليشدي گئتدي

 

 بو سؤزلري دئدي يكانلي علي

امداد ائيله بيزه يا مولا علي

 دئسه‏لر نئج اولدو قيشلاقلي علي

هنر ميدانيندا چاليشدي گئتدي.

  

  

 آشيق خدمت حاجي‏زاده:

 اوزون يانسين قارا تورپاق

نه تئز آلدين جاني مندن

 اسيرگه‏دين يار-يولداشين

كسدين شهرت شاني مندن

 

 گؤزلريمين نورون آلدين

قوللاريمين زورون آلدين

 يامان يئرده تورا سالدين

آلدين امتحاني مندن

 

 ديواردان آسيلدي سازين

آغلار قالدي اوغلون، قيزين

 زهر اولدو دادين، دوزون

نيه كسدين ناني مندن

 

 آشيق خدمت، آغلا پنهان

هاميا وار بو امتحان

 چال بير تجنيس كسمه ديوان

چالما دول هجراني مندن.

 

 

 بيت‏اللَّه سليمي آوانسر:

 آشيق، سني ايتيرندن

گن دونياني بيتيرندن

 قوهوم-قارداش آغلار قاليب

قبر ائوينه گؤتورندن

 

 آذربايجان آشيغي‏ايدين

ائل-اوبا ياراشيغي‏ايدين

 گور سسين وار ايدي سنين

الحق جانان آشيق‏ايدين

 

 سازيندا بير داد وار ايدي

سؤزونده مين آد وار ايدي

 سن دونياني دگيشنده

ائلده هاراي-داد وار ايدي

 

 آشيق داي آتا مينمه‏ديك

يانيب كول اولوب سؤنمه‏ديك

 يايدا كؤچدون يايلاقلارا

داها قيشلاغا دؤنمه‏ديك

 

 بيت‏اللَّه سنه سؤز يازير

سؤز ايتيرير، هردن آزير

 فلك زامان قازماسي‏ايلن

گئجه-گوندوز مزار قازير

 

 آشيق علي عليزاده

مولام سنه وئرسين باده

 حق اؤزو محشر گونونده

سني هر آن سالسين ياده.

 

اورمودان گلن سسلر آدلی بلوقوم ایشه باشلاییب.....

بیرینجی پوستوم

قاچاق نبی نین اورمودا یاشادیغی یئر....

اورمودان گلن سسلر+++ تیکلایین

آچیلیش

بیر مراسم سيراسيندا، 30/2/91 تاریخینده اورمونون ایکی اوستاد آشیغینین هئیکللری ، بو شهرین میراث فرهنگی اداره سینین موزه سینه یئرلشدیریلدی. بو ایکی هئیکل مومدان دوزه لدیلمیش هئیکللردندیلر. آشیق یوسف اوحانئس و آشیق محمد حسین دهقانین هئیکلی ایندی اورمو موزه سینده، بو موزه یه گلنلرین اوزونه آچیقدیر و اورا گلنلر ائده بیلرلر بو ایکی اوستاد آشیغین هئیکللریندن بو موزه ده گؤروش ائده لر.

Urmunun iki ustad aşığının heykəllərinin açılışı bir mərasim sırasında bu şəhərin muzeyində quruldu.

Aşıq Dehqan və Aşıq Yusufun heykəlləri indi Urmu muzeyinə gələnlərin üzünə açıqdır və nümayiş edilir .

 Bu muzeyə gedənlər edə bilərlər bu iki ustad aşığın heykəllərindən görüş edələr.

اورمو آشیق مکتبی نین ان آدلیم آشیغی کیمدیر؟

اورمو آشیق مکتبی نین ان آدلیم و سئویلن آشیغی کیمدیر؟

۱-رحمتلیک آشیق درویش وهابزاده

۲-رحمتلیک آشیق فرهاد سلیمی

۳-رحمتلیک خویلو  آشیق اسلان طالبی

۴-رحمتلیک آشیق محمد حسین زاده(محمد بازرگانلی)

۵- آشیق محمدحسین دهقان

۶-آشیق یوسف اوحانئس

۷-هئچ بیرینین آدینی ایندیه دک، ائشیتمه میشم.

لطفاً رأیینیزی، بیلدیرین.

ــــــــــــــــــــــــــــــــــــــــــــ

 

سونوج: اورمو آشیق مکتبی نین ان آدلیم و سئویلن آشیغی، اشیق درویش وهابزاده دیر.

من بو سوالی اؤز دوستلاریما، قوهومولاریما، هابئله آشیقلارا و شاعرلره ائتمیشدیم، هامیسی نین سونوجودا آشیق درویش اولموشدور. اصلینده منیمده سئودیگیم و سسینه عاشق اولدوغوم شخص، آشیق درویش دیر. تقریباً  ۱۰   یاشیم اولاردی، من آشیق درویشین کاستلرینی قویوب باشدان-باشا قولاق آساردیم. بیرجه دفعه ده سسیندن دویمازدیم. سسینده بیر نوع حزن وار ایدی. چوخلارینین دئدیگینه گؤره آشیق درویشین سسی، الهی بیر سس ایدی. آللاه رحمت ائیله سین.

ایستک

شهریمیزین دگرلی شاعر و یازیچیسی، حوزه هنری تبلیغات اسلامی­نین ادبیات بؤلومونون سوروملوسو(مسئولو) و دنیز نشریه سینین سوروملو مدیری(مدیر مسئولو) حاج آقا قلیزاده مندن وبلاگینداکی، یازینی اؤز وبلاگیمدا یایماغی ایسته میشدی، منده یازیلاریندان کپی گؤتوره بیلمه دیم، اونون اوچون ادبسیزلیک اولماسین دئیه سیزی آشاغیدا اولان، لینکی تیکلاماغا و او یازینی اوخوماغا دعوت ائدیرم. اؤنجه دن سایین قلیزاده جنابلاریندان تشکر ائدیرم.

بورانی----------------------------------------- تیکلایین

49 ildən sonra gərçəkləşdi, aşıq Fərhadın səsi yenidən Urmu şəhərində havalandı

Gənc aşıqlar: 49 ildən sonra gərçəkləşdi, aşıq Fərhadın səsi yenidən Urmu şəhərində havalandı

2012/2/5 tarixində 49 ildən sonra Urmunun adlım və məşhur aşığı, Urmu aşıq məktəbinin atalarından olan, rəhmətlik aşıq Fərhadın səsi Urmunun Səfi-əddin Urməvi adlı zalına aşıq musiqisi həvəskarlarına sunuldu və o zalda yayımlandı.

Aşıq Fərhad SƏLİMOĞLU 1894-cü ildə Urmunun Dol mahalında olan Samırtı kəndində dünyaya göz açmışdı. Öz dövrünün ən adlım aşığı olan Fərhad, ömrü boyu beş səfər Borçalı və Tbilisə getmişdir və elə buna görədə həyat yoldaşı Gürcüstandan idi.

Aşıq Fərhad 1963-cü ilin yanvar ayının 22-ci günündə bu dünyadan göz yumaraq, əbədi dünyaya köçmüşdü.

Xatırlatmalıyıq, aşıq Fərhadın səsi indiyədək yox idi və o ustadın səsinin olmadığı düşünülürdü. Ama şəhrimizin ağ saqqallarından o ustadın səsini bir dəfə Tehrandan gəlib və qədim qramafon səhifələrində zəbt etmişdilər sözünü duyduq .elə bu söz bizi araşdırmağa məcbur etdı və nəhayət neçə müddət axtarılan səslər ,Əhməd Əsədi tərəfindən Tehran radyosunun arxivindən bulundu və Urmuda bu səslər yayımlandı. İki havadan təşkil tapan bu səs, taciri və cəmşidi havalarından ibarətdir.

.

Urmu aşıq məktəbində bir ilk

Urmu aşıq məktəbində bir ilk

30 yanvar Günü Urmunun Səfi-əddin Urməvi adlı zalında Aşıqlar yığıncağı quruldu. Bu yığıncaqda çoxlu saz-söz həvəskarı iştirak etmişdilər. Proqramın sonunda Əhməd Əsədi sazı ilə çıxış etdi və bir ilkə imza atdı. Əhməd Urmu aşıq havalarına müxtəlif güllər və güşələr artıraraq, indiki aşıqlardan fərqlı olaraq, Urmu aşıq havalarını öz şivəsi ilə çaldı və ora gələn həvəskarlardan alqışını aldı. Ama aşıq Dehqan Urmu aşıq məktəbinin ustadlarından bu işə davam gətirə bilmədi və sazını çiyninə alaraq meydana girdi. Dehqan bu mərasimdə Əhməd çalan havanı təkrarən çaldı və xatırlatdı:

əsil hava budur, bundan əlavə hər kim bizim havalara gül və pərdə artırsa çox yanlış edib və yolu tam əyri gedib. Gərək biz  ustadlardan gəlmə havaları hifz edək və qoruyaq. Dehqan xatırlatdı: hər kim bu havaları çalmağa can atır gərək, qədim və əski gülləri çala. Bu mərasim başa çatdı, ama Urmu aşıq məktəbində bir ilk oldu, oda Urmiya havalarını yeni formda və üsülda çalmaq və hər şeyində ilkində çətinliklər olmalıdır.

Urmu aşıq havalarının yenidən canlanması umudu ilə.

 

بو قونودا  حوزه هنری نین سایتینادا باخا بیلرسینیز:

بو قونو ایله ایلگی لی خبره، حوزه هنری سایتیندا اولان خبره ده باخا بیلرسینیز، تیکلایین 

فراخوان مسابقه موسیقی آشیقی

فراخوان

در پی برگزاری چهارمین دوره ی جشنواره ی نسلی از آفتاب، حوزه هنری استان آذربایجان غربی به منظور ارج نهادن به آشیق و موسیقی آشیقی در سطح منطقه ای برگزار می کند: ((سطح منطقه ای شامل استانهای آذربایجان غربی، آذربایجان شرقی، اردبیل، زنجان، قزوین و کردستان.)

بخشها:

1-      مکتب آشیقی اورمیه

2-     مکتب آشیقی قره داغ(به علاوه سایر مکاتب در صورت وصول آثار)

3-    تکنوازی قوپوز

محورهای برگزاری جشنواره:

1-      سسلی سازیم: نگاهی به موضوع دفاع مقدس و بازگویی حماسه های آن دوران از زبان آشیقها

2-     ایمان گوجو: نقش عنصر ایمان در روند پیروزی انقلاب شکوهمند انقلاب اسلامی ایران

3-    آیدین گونلر: بازگوکننده جنبشهای مردمان مسلمان کشورهای منطقه

4-    گونش بولاغی: تمدن اسلامی و گذشته پرافتخار تمدن اسلامی و نقش آن در پی ریزی تمدن جهانی

5-    محبت اوجاغی: خانواده و اخلاق در فرهنگ ایرانی و اسلامی و جایگاه آن در موسیقی فولکلور.

مقررات:

1-      شرکت در هریک از بخشها به صورت مشترک مجاز است.

2-     شکرت کنندگان فقط مجاز به ارائه تنها یک اثر در هر یک از بخشها می باشند.

3-    شعر هر اثر می بایست به صورت تایپ شده و یا با خط بسیار خوانا با ذکر نام و مشخصات شاعر ارائه گردد.

4-    ارائه فرم شرکت در جشنواره به همراه اثر و دوقطعه عکس 3*4 تمام رنگی الزامی است.

جوایز:

1-      مکتب آشیقی اورمیه

نفر اول: 400 هزارتومان

نفر دوم: 300 هزار تومان

نفر سوم: 200 هزار تومان

2-مکتب آشیقی قره داغ و سایر مکاتب

نفر اول: 400 هزارتومان

نفر دوم: 300 هزار تومان

نفر سوم: 200 هزار تومان

3-تکنوازی قوپوز

فقط نفر برتر: 400 هزار تومان

 

آخرین مهلت ارسال آثار در قالب سی دی و یا دی وی دی: 30 بهمن ماه 1390

 

آدرس دبیرخانه : اورمیه، خیابان شهید امینی، جنب استانداری، حوزه هنری استان آذربایجان غربی

تلفن: [phone]