احمد اسدی دن اورمو قونوسوندا بیر شعر
گلین سیز گؤزل اورمویا
//////////////
یوردون دؤین اورگینه
گلین سیز گؤزل اورمویا
آذربایجان دیرگینه
گلین سیز گؤزل اورمویا
*************
افسانه دیر داغی داشی
چوخ بلالار چکیب باشی
قوجاماندیر چوخدور یاشی
گلین سیز گؤزل اورمویا
*************
کاظم خانین داشین گؤرون
گؤی تپه نین یاشین گؤرون
گؤزللیگین باشین گؤرون
گلین سیز گؤزل اورمویا
*************
داغلاریندا قارتال لاچین
بولاقلارین سویون ایچین
دوزلو گؤلون گؤرمک اوچون
گلین سیز گؤزل اورمویا
*************
اوجالیبدیر شهرت شانی
بو شهرین تایی هانی
یام یاشیلدیر دؤرد بیر یانی
گلین سیز گؤزل اورمویا
*************
باتی سیندا گؤزل داغلار
چئوره سینده باخچا باغلار
دوز-چؤرگین حاققین ساغلار
گلین سیز گؤزل اورمویا
*************
جمعه مسجد سؤیوممد وار
شهرچایی نازلی یا یار
داغیندا قار لاپار لاپار
گلین سیز گؤزل اورمویا
*************
بیر محتشم بازاری وار
احمد کیمی یازاری وار
حاققین بورا نظری وار
گلین سیز گؤزل اورمویا
آدیم احمد اسدی دیر. اورمودا یاشاییرام.