گؤردوم

باهار چاغی چیخدیم یار اوولاغینا

یاشیل یایلالاری سارالی گؤردوم

یانیندا کؤرپه سی امیر ممه­سین

سورودن آیریلمیش مارالی گؤردوم

*******

اووچونو گؤرنده او مارال چاشدی

کؤرپه­سی دالینجا قاچدی نه قاچدی

کؤرپه نین آیاغی داشا دولاشدی

قان آخدی دیزیندن یارالی گؤردوم

*********

اووچو ساقینمادی آه-نالادان

نه قضادان قورخدو نه­ده بلادان

آنانی آییردی کؤپه بالادان

سالدی بیر-بیریندن آرالی گؤردوم

***********

دده­کاتب مرددن جفا گؤرمه­دیم

نامردین اوزوندن شفا گؤرمه­دیم

گزدیم انسانلاردان وفا گؤرمه­دیم

گن دونیا باشیما دارالی گؤردوم.

رحمتلیک دده کاتب