ائل و ديل

فلک درمان داشي تکين اويودسه

اويودولن اودور ائلي اولماسين

آرخاجلارا آرخالانسا سورولر

آرخايين اول قوردون يولو اولماسين

کؤک ايسته­سن واردير تيکان کولونون

کوراوغلويا زورو چاتماز بولونون

قورخوسو يوخ گؤيدن ياغان دولونون

بو وار کي بير داشقين سئلي اولماسين

داريخمارام سيخيلمارام يانمارام

بويوندوروق وورسا ديليم دانمارام

من اؤزومو يازيق انسان سانمارام

يازيق اودور کؤکلو ديلي اولماسين

ذاتيم منيم بيرليگينن قورولوب

حقيقتلر گوزگو کيمي دورولوب

حاق آلماقا چوخ قالالار هؤرولوب

ايندي نييه چنلي بئلي اولماسين؟

گلين قوياق کرپيچ – کرپيچ اوستونه

قوربان وطن عاشيقينين مستينه

«دومان » ايستر الي يئتسين قصدينه

اومودوم وار هجران يئلي اولماسين

عسگر باقري«دومان»